ՎԱԶԳԵՆ ԱՍԼԻԿՅԱՆ, Գրող-հրապարակախոս
Բոլորին, բոլորին, բոլորին
Այսուհետեւ «Ազգ»ը իր բոլոր ընթերցողներին տրամադրում է ազատ ամբիոնՙ բացառապես կարճ եւ համազգային մտահոգությամբ գրված եւ հեղինակի իսկական անունը կրող եւ ստորագրությամբ վավերացված նյութերՙ «Ձայն բազմաց» խորագրի ներքո:
Բոլոր ընդդիմադիր ուժերինՙ անհատներին, ընտանիքներին, կազմակերպություններին, կուսակցություններին:
Եկեք լինենք իրատես…
Ներկա պայմաններում ՀՀԿ-ն ունի մեզ հայտնի իր բոլոր ավանդական հնարավորությունները առաջիկա խորհրդարանական ընտրություններում հերթական հաղթանակն ապահովելու համար:
ՀՀԿ-ին դիմակայելու համար պետք է ամեն-ամեն բան դնել մի կողմ եւ բոլոր ընդդիմադիր ուժերը, ինչպես նաեւ մայր գետից առանձնացող վտակները, անգամ եթե դա լինի Սերժ Սարգսյանը իր առավել հայտնի շրջապատով, միավորվեն մեկ միասնական դաշինքում:
Նման միասնական ընդդիմությունը պետք է համախմբվի մեկ գաղափարի շուրջըՙ համայն հայությամբ հակակշռել Հանրապետական կուսակցությանը:
Հակառակ դեպքում նախընտրական մի խումբ դաշինքները կմասնատեն ընդդիմության քվեները եւ իրենք ոչ միայն չեն հաղթահարի խորհրդարան մտնելու անհրաժեշտ շեմը, այլ հազիվ թե արժանանան մի քանի տոկոս ձայների:
Միասնական ընդդիմությանը հաղթանակի հասնելու համար նաեւ անհրաժեշտ է.
1. Գոնե Հայաստանի երեք խոշոր քաղաքներումՙ Երեւանում, Գյումրիում եւ Վանաձորում, ինչպես մարդահամարի ընթացքում, լինել բոլոր բնակարաններում եւ ընդհանրապես ընտրություններին չմասնակցող հուսահատված եւ հիասթափած 30-35 % ընտրազանգվածին համոզել մասնակցել ընտրություններին:
2. Արտասահմանում գտնվող Հայաստանի քաղաքացիություն ունեցող մեր հայրենակիցներին հորդորել, հնարավորինս նպաստել, որ նրանք առաջիկա ընտրությունների օրը լինեն մայր Հայրենիքում:
