Մոսկվայում Իսրայելի դեսպան Ցվի Հեյֆեցը հայտարարել է, որ իր երկիրը պատրաստ է խաղաղության համաձայնագիր կնքել Պաղեստինի հետ:
«Մենք խաղաղություն ենք ստորագրել Եգիպտոսի հետ, Հորդանանի հետ, մենք պատրաստ ենք խաղաղության մեր բոլոր հարեւանների հետ, այդ թվում մեզ ամենամոտիկ հարեւանի` Պաղեստինի հետ»,- հայտարարել է դեսպան Հեյֆեցը` նշելով նաեւ, որ որեւէ պատճառ չկա Սաուդյան Արաբիայի հետ եւս խաղաղության համաձայնագիր չկնքելու համար:
Հիշեցնենք, որ Իսրայել-Պաղեստին նոր հանդիպման վայր որպես նշվում է Փարիզը, եւ ավելի վաղ Իսրայելի վարչապետ Բենյամին Նաթանյահուն հայտարարել էր, որ Փարիզը «հրաշալի վայր է խաղաղության համաձայնագիր ստորագրելու համար»:
Նկատենք, սակայն, որ այս օրերին Փարիզում հայտարարված է տագնապ: Բանն այն է, որ Սենի ջրի մակարդակը հասել է հինգ մետրի, ինչի հետեւանքով ջրի տակ են մնացել հարակից փողոցների զգալի հատվածներ: Նշվում է, որ անցած մայիսն ամենաանձրեւոտն էր Ֆրանսիայիՙ վերջին 150 տարվա պատմության մեջ, ու չի բառացվում, որ Սենի ջրի մակարդակը շուտով հասնի եւ անցնի 1910-ին գրանցված ռեկորդային 8,6 մետրին:
Բայց սաՙ իմիջիայլոց. իսկ Պաղեստի՞նը:
