Հարգելի՛ գործընկերներ,
Սիրով տեղեկացնում ենք, որ Հայաստանում լայն հանրությանն եւ գիտական շրջանակների առաջ իր «դռներն է բացել» Երիտասարդ վերլուծաբանների հայաստանյան կենտրոնը (ԵՎՀԿ), որի նպատակն է, ներգրավելով ամենատարբեր մասնագիտությունների եւ աշխարահայացքի տեր մարդկանց, լսելի դարձնել երիտասարդների տեսակետներն ու հարցադրումները, հանրայնացնել կյանքի տարբեր ոլորտներին առնչվող եւ հասարակությանը հուզող հարցերի շուրջ արված նրանց վերլուծություններն ու դիտարկումները:
Կենտրոնը, որն իր բնույթով առաջինն է մեր երկրում, ձգտում է նպաստել Հայաստանում վերլուծական դաշտի առավել կայացմանն ու անկախացմանը: ԵՎՀԿ տեղեկատվական հարթակների միջոցով հայաստանցի երիտասարդների վերլուծական աշխատանքներն այսօր հասանելի են դառնում ոչ միայն հայալեզու, այլեւ օտարերկրացի ընթերցողին: Իսկ կենտրոնի անդամների լավագույն վերլուծությունները, որոնք կհամապատասխանեն Հայաստանի Հանրապետության Բարձրագույն որակավորման հանձնաժողովի չափանիշներին, մոտ ապագայում կտպագրվեն եւ կստանան գիտական հոդվածների կարգավիճակ:
Նախապատմություն.- Երիտասարդ վերլուծաբանների հայաստանյան կենտրոնը ստեղծվել է 2011 թ. մայիսին մի խումբ երիտասարդների կողմից, բայց լայն հանրությանն իր աշխատանքներով ներկայացել է 2015 թվականի նոյեմբերից: Կենտրոնը գործում է կամավոր սկզբունքով: Այն ապաքաղաքական հարթակ է, ուր կարող են ներգրավվել ակտիվ, նախաձեռնող, տաղանդավոր եւ մոտիվացված երիտասարդները: Այս կարճ ժամանակահատվածում Երիտասարդ վերլուծաբանների հայաստանյան կենտրոնի շուրջ առաջած մեծ հետաքրքրությունը վկայում է հայաստանյան իրականությունում նման հարթակների անհրաժեշտության եւ կարեւորության մասին:
Կենտրոնի մասին լրացուցիչ տեղեկություններ կարող եք ստանալ մեր պաշտոնական կայքից` www.acoya.org, ինչպես նաեւՙ սոցիալական ցանցերում գործող ԵՎՀԿ էջերից`
www.facebook.com/acoya.org, www.twitter.com/Young–Analysts եւ bit.ly/23jURU1:
ՀՀ, ք. Երեւան, 0054, Դավթաշեն, 1 թաղ., 52շ., 9բ.
Հեռ. +374 43 097 051, էլ. կայք: acoya.org
Էլ. Հասցե: info@acoya.org, business@acoya.org
