Հայտնի է դարձել, որ օգոստոսի 24-ին Հայաստանի կառավարությունը պայմանագիր է ստորագրել «Օվացիա» պրոդյուսերական ընկերության հետ` նոր խոսափողների եւ բարձրախոսների հավաքածու ձեռք բերելու նպատակով: Ըստ այդ գործարքի` կառավարությունն ապրանքի համար կվճարի 41 մլն 310 հազար դրամ:
Ենթադրվում է, որ գնված ապրանքը նախատեսված է ոչ թե մամուլի եւ հասարակայնության հետ ակտիվ եւ պարբերական շփումներ ապահովելու համար, այլ նախարարություններում պարբերական քննարկումներ անցկացնելու: Չնայած չար լեզուները պնդում են, որ այդ նոր տեսակի բարձրախոսներն ու խոսափողները օժտված են առանձնահատկությամբ. դրանք հանրամատչելի են դարձնում խոսքը` մաքրելով այն անիմաստ բառակույտերից:
