Կրասնոդարում կայացած պրոֆեսիոնալ բռնցքամարտի երեկոյի ընթացքում ռինգ դուրս եկած 2 հայ բռնցքամարտիկներն էլ հաղթանակով ավարտեցին իրենց մենամարտերը: 25-ամյա ռուսաստանցի բռնցքամարտիկ Դավիթ Ավանեսյանը նվաճեց կիսամիջինքաշային կարգում WBC Baltic-ի չեմպիոնական գոտինՙ նոկաուտի ենթարկելով արգենտինացի Կառլոս Լեոնարդո Հերերային: Պյատիգորսկում բնակվող հայ բռնցքամարտիկը պրոֆեսիոնալ ռինգում 18-րդ մենամարտն անցկացրեցՙ տոնելով 16-րդ հաղթանակը: Նրա մրցակցի համար հերթական մենամարտը 30-րդն էր, որում 6-րդ պարտությունը կրեց:
Ռուսաստանը ներկայացնող մեր մյուս հայ բռնցքամարտիկըՙ 20-ամյա Հայկ Շահնազարյանը առաջին կիսամիջինքաշային կարգում միավորներով պարտության մատնեց Ուզբեկստանի ներկայացուցիչ Բեխզոդ Նաբիեւին: Սամարայում բնակվող Հայկը պրոֆեսիոնալ ռինգում 9-րդ մենամարտն անցկացրեց: Նա շահել է բոլոր մենամարտերը:
