Այսօր Երեւանի Հ. Թումանյանի անվ. տիկնիկային թատրոնում տեղի կունենա «Որդան կարմիր» ռոք խմբի «A4» ձայնասկավառակի համերգ-շնորհանդեսը: «A4» ձայնասկավառակը ըմբոստություն է մարդու անտարբերության, անհաղորդության, թելադրված շրջանակներից դուրս գալու անկարողության դեմ, փորձ է` այդ շրջանակները քանդելու: «Որդան կարմիր» խմբի առանձնահատկություններից գլխավորը երգերի սոցիալականությունն է. խմբի անդամների համոզմամբ` մեր օրերում արվեստը չի կարող միայն արվեստի համար գոյություն ունենալ, արվեստը սոցիալական է, արվեստը գործիք է` իրականության բացասական դրսեւորումների դեմ պայքարի: Այս սկզբունքը տեսանելի է եղել խմբի գործունեության ողջ ընթացքում` 2005թ.-ից մինչ օրս. խումբը պարբերաբար մասնակցել է մարդու իրավունքների, բնապահպանական եւ այլ սոցիալական խնդիրների, ուղղված երիտասարդական արտ-նախաձեռնությունների:
Ձայնասկավառակի շնորհանդեսից հետո «Որդան կարմիրը» կմեկնի եվրոպական մի քանի երկրներՙ շրջագայության:
