Նոյեմբերի 24-ին Մակաոյում Վանես Մարտիրոսյանի եւ Դեմետրիուս Անդրադեի միջեւ կայանալիք մենամարտի վայրն ու ժամկետները փոփոխվել են: Երկու բռնցքամարտիկների մրցամարտը տեղի կունենա ԱՄՆ-ում սեպտեմբերի 7-ին: Այն կանցկացվի պրոֆեսիոնալ բռնցքամարտի երեկոյի ընթացքում, որի գլխավոր մրցավեճը կլինի Չավեսի եւ Վերայի մենամարտը:
25-ամյա Դեմետրիուս Անդրադեն Վանեսի պես առայժմ պրոֆեսիոնալ ռինգում անպարտելի է: Նա շահել է բոլոր 19 մենամարտերը: Վանես Մարտիրոսյանն էլ անցկացրած 34 մենամարտերից 33-ում հաղթել է, մեկն ավարտել է ոչ-ոքի:
Հայ բռնցքամարտիկը վերջին անգամ ռինգ է դուրս եկել հունիսի 15-ինՙ 2-րդ ռաունդում տեխնիկական նոկաուտով հաղթելով Դեւիս Ռայանին:
