Ադրբեջանում օրեցօր փչվող փուչիկը՝ «Արեւմտյան Ադրբեջան» ինքնակոչ անվամբ համայնքային կազմակերպությունը խոսնակ է գտել: Վերջինս՝ Ուլվիյա Զուլֆիքար (Ulviyya Zulfikar) անվամբ տիկինը ձեւակերպում է ադրբեջանցիների «բնական» ցանկությունը՝ ուզում են վերադառնալ իրենց «պապերի երկիրը՝ Հայաստան»: Խոսնակը թվիթերյան էջում գրավոր՝ սեղմ եւ բանավոր՝ մի քիչ պերճախոս փոխանցում է, որ « Հայաստանի ներկա տարածքից անցյալ դարում արեւմտյան ադրբեջանցիների՝ կոտորածներով ուղեկցվող 4 տեղահանություն է եղել. 1905-ին, 1918-20-ին, 1948-53-ին եւ 1987-91-ին: 4-ամյա պապս նրանց թվում է եղել, երբ 1918-ին տեղահանել են: Մենք խաղաղ ճանապարհով ուզում ենք վերադառնալ մեր տները, մոնոէթնիկ դարձած Հայաստանում խաղաղ համագոյակցել»:
ԱՆԱՀԻՏ ՀՈՎՍԵՓՅԱՆ
Գերմանիա
