Աքսել Ֆիշերը կմնա կալանքի տակ

Հաջորդ շաբաթ Բունդեսթագի նախկին պատգամավոր, Ադրբեջանից կաշառառու Աքսել Ֆիշերի դեմ դատավարության վերջին փուլերն են: Մյունխենի երկրամասային բարձրագույն  դատարանում երկուշաբթի օրը դատավարությունը շարունակվել է, նա կմնա նախնական կալանքի տակ: Ինչպես իրազեկել ենք «Ազգի» տարեվերջին՝ դեկտեմբերի 26-ի տպագիր համարում,

նա բանտում է դեկտեմբերի 22-ից: Քրիստոնյա -դեմոկրատ նախկին պատգամավորի դեմ կոռուպցիայի գործով դատավարությունը հասնում է վերջնափուլին: Դատարանը չի ընդունել պաշտպանական կողմի՝ նախնական կալանքը կասեցնելու առաջարկը: Բողոքարկել են Կարլսռուհեի դաշնային դատարանում: Կողմերի հայտարարությունների վերջնաժամկետը հաջորդ շաբաթասկզբին է, որից հետո դատարանը որոշում է կայացնելու: Մինչ այդ Ֆիշերը կմնա կալանքի տակ:

ԱՆԱՀԻՏ ՀՈՎՍԵՓՅԱՆ

Գերմանիա