Նոյեմբերի 2-ին իրազեկում է Հայ դատի հանձնախմբի (ՀԴՀ) տեղի գրասենյակը (Armenian National Committee of Australia)՝ նկատել տալով, որ արտաքին գործերի եւ առեւտրի վարչությունը հրաժարվել է նախկինում երկու կողմին ուղղված կոչից, Ադրբեջանին հայ ռազմագերիների դեմ հանցագործությունների պատասխանատու համարում՝ բավարարելով ՀԴՀ-ի գրավոր դիմումը: ՀԴՀ-ն ողջունել է պաշտոնական Կանբերրայի քայլը՝ կառավարությունից ակնկալելով ԱՄՆ-ի, Ֆրանսիայի եւ այլ երկրների նման հորդորել ագրեսոր Ադրբեջանին զորքերը դուրս բերել Հայաստանի ինքնիշխան տարածքից: «Մեզ անհանգստացնում են հայկական կրոնական և պատմական շինություններին հասցված վնասի մասին վերջին հաղորդումները, որոնք շարունակվում են 1990-ականներից ի վեր ԼՂ-ում և շրջակայքում», ձեւակերպել է նախարար Ուոնգը: Հոկտեմբերի 21-ին «Ազգ»-ում պաշտոնական Կանբերրայից ուշագրավ լուր էինք զետեղել՝ հրաժարվում է Արեւմտյան Երուսաղեմը՝ որպես Իսրայելի մայրաքաղաք ճանաչելու իր երբեմնի որոշումից:
ԱՆԱՀԻՏ ՀՈՎՍԵՓՅԱՆ
