Հայ Առաքելական եկեղեցին որոշակի վերափոխման կարիք ունի։ Այս մասին այսօր լրագրողների հետ հանդիպման ժամանակ հայտարարեց Երևանի քաղաքապետ Տիգրան Ավինյանը՝ ամփոփելով տարին։
«Նման վերափոխումներ Հայ առաքելական եկեղեցում տեղի են ունենում դարեր շարունակ։ Ես վստահ եմ, որ այս վերափոխումը տեղի կունենա եկեղեցու ներսում, բայց բավականին դանդաղ տեմպերով։ Այնուամենայնիվ, ինչպես էլ լինի, որոշակի երեսպաշտության քողը պետք է պատռվի», – ասաց Ավինյանը։
Անդրադառնալով ՔՊ-ական պատգամավոր Հայկ Սարգսյանի և ԱԺ նախագահ Ալեն Սիմոնյանի միջև առկա հակամարտությունը՝ նա հորդորեց ներկուսակցական հարցերը թողենել իրենց։
«Մենք դրանք կքննարկենք մեր կուսակցության ներսում»,- ասաց նա։
Հիշեցնենք, որ ավելի վաղ հայտնի էր դարձել, որ Հայկ Սարգսյանը չի ընդգրկվել «Քաղաքացիական պայմանագիր» կուսակցության նախընտրական ցուցակում։ Նա լրագրողներին հայտնել․ էր Երևանի քաղաքապետ Տիգրան Ավինյանի հետ ընկերության մասին՝ հավելելով, որ եթե Ավինյանը կարողանար որևէ կերպ ազդել քվեարկության վրա, ապա անպայման ինքը կլիներ ՔՊ-ի ցուցակում։
«Ես ոչինչ չգիտեմ քվեարկության արդյունքների մասին», – ասաց Ավինյանը՝ հավելելով, որ կուսակցության կառավարման խորհրդում տեղի ունեցած և հրապարակային հրապարակման ենթակա բոլոր քննարկումները հրապարակվում են։
