Ադրբեջանը կրկին Հայաստանից սահմանադրության փոփոխություն է պահանջում
Ադրբեջանի և Թուրքիայի նկատմամբ տարածքային պահանջներ սահմանող հոդվածը պետք է հանվի Հայաստանի սահմանադրությունից։ Այս մասին հայտարարել է Ադրբեջանի նախագահի օգնական Հիքմեթ Հաջիևը, հաղորդում են ադրբեջանական ԶԼՄ-ները։
«Երբ այդ տարածքային պահանջները հանվեն, Ադրբեջանը խնդիր չի տեսնում վերջնական խաղաղության պայմանագիր ստորագրելու հարցում։ Ավելին, մեր տարածաշրջանում արդեն իսկ գոյություն ունի փաստացի խաղաղ իրավիճակ»,- ասել է նա։
Թուրքական Haber Global հեռուստաալիքին տված մեկնաբանությունում նա նշել է, որ այդ պահանջների վերացումից հետո Ադրբեջանը վերջնական խաղաղության պայմանագրի ստորագրման համար խնդիրներ չի տեսնում՝ հավելելով, որ տարածաշրջանում դե-ֆակտո արդեն խաղաղ իրավիճակ է գոյություն ունի։
Անդրադառնալով Ադրբեջանի և Թուրքիայի եղբայրական հարաբերություններին՝ Հաջիևն ընդգծել է, որ այն սեղանի շուրջ, որտեղ չկա Թուրքիան, կա Ադրբեջանը, և հակառակը, և երկրները վճռականորեն են պատասխանելու իրենց շահերի դեմ ուղղված յուրաքանչյուր քայլին։
