Հանածո վառելիքից չհրաժարվող երկրում նոր «պատերազմ» է: «Պոլիտիկո»-յի հոդվածը հանգիստ չի տալիս Ադրբեջանի նախագահի խորհրդական Հիքմեթ Հաջիեւին: «Հիշյալ լրատվամիջոցը ապատեղեկատվություն է տարածում՝ մոլորեցնելով համաշխարհային հանրությանը,- ասում է նա: Politico-ն հղում է անում ադրբեջանական ԶԼՄ-ներին, որ գրում են «Ադրբեջանն այս տարի ՌԴ-ից ներկրել է 141,6 մլն խմ գազ»: Սեզոնային փոխանակումները հարեւան պետությունների միջեւ նորմալ են: Politico-ն չի կարողանում տարբերակել փոխանակումը ներմուծումից: «ԵՄ շուկաների մատակարար Հարավային գազային միջանցքը կապված է միայն ադրբեջանական հանքավայրերի հետ», ասել է Եվրահանձնաժողովի էներգետիկ հարցերով խոսնակը: ԵՄ պաշտոնյայի հայտարարությունը լիովին ճշգրիտ է: Հետեւաբար, Ադրբեջանը 2024 թվականին գազ չի ներկրել ՌԴ-ից», բողոքում է Հաջիեւը… եւ ամեն բան պարզվում է:
ԱՆԱՀԻՏ ՀՈՎՍԵՓՅԱՆ
