Նոյեմբերի 13-ին «Ֆրանկֆուրտեր ալգեմայնե ցայթունգը» եւ 12-ին «Բեռլիներ ցայթունգն» անդրադարձել են Կիրանցին: Գյուղ այցելած հեղինակները նկարագրել են՝ ինչպես է կիսված Կիրանցում կյանքը հիմնովին փոխվել: Իհարկե՝ տարբեր տեսանկյուններից: Զարմանալի չէ, որ Կիրանցը չի դադարում արտերկրի լրագրողների հայացքում լինել, փոխարենը «Դոյչլանդֆունկը» նոյեմբերի 13-ին մոտ 6 րոպեանոց ռեպորտաժ է հեռարձակել՝ հետեւյալ վերնագրով՝ «Հայաստան. Արքեպիսկոպոսն ուզում է վարչապետ լինել»: Լիլիա Բեքերը մասնակցել է Բագրատ Սրբազանի հրավիրած հանրահավաքին, զրուցել մասնակիցների հետ: «Հաջորդ խորհրդարանական ընտրությունները 2026-ին են, այժմ չի նշմարվում, որ Գալստանյանն իրական շանս ունի վարչապետի պաշտոնին հասնելու՝ նվազ բովանդակություն, փոքրաթիվ համակիրներ եւ ՀՀ օրենսդրությանն անհարիր երկու՝ ՀՀ եւ Կանադայի քաղաքացիություն»: Սա ուշացա՞ծ անդրադարձ է, թե՞ հուշում…
ԱՆԱՀԻՏ ՀՈՎՍԵՓՅԱՆ
