ՀՀ Գիտությունների ազգային ակադեմիան 2024թ. հոկտեմբերի 11-ին հյուրընկալեց Չինաստանի Ժողովրդական Հանրապետության «CORE» ակադեմիայի պատվիրակությանը: Կողմերը ծանոթացան միմյանց գիտական գործունեությանը, քննարկեցին համագործակցության ուղիները: ՀՀ ԳԱԱ-ի եւ «CORE» ակադեմիայի միջեւ ստորագրվեց համագործակցության հուշագիր:
Հուշագրի նպատակն է. նպաստել համատեղ նախագծերին կրթական, գիտական, տեխնոլոգիական եւ մշակութային ոլորտներում, իրականացնել համատեղ գիտական հետազոտություններ, գիտնականների փոխանակման ծրագրեր, կազմակերպել փոխադարձ գիտատեխնիկական շրջայցեր, ինչպես նաեւ գիտական հանդիպումներ, համատեղ լաբորատորիաներ կամ ինստիտուտներ, իրականացնել գիտության հանրահռչակման գործունեություն երկու կազմակերպությունների համար եւ խթանել համապարփակ համագործակցությունը երկու կազմակերպությունների հաղորդակցության, հետազոտությունների եւ միջազգային զարգացման գործում:
«CORE» ակադեմիան ներկայացնում է «International Core Academy of Sciences and Humanities» ակադեմիան եւ նրա կից հաստատությունները (ներառյալ «Ke Rui» ակադեմիան, «CORE» գիտական կենտրոնները եւ «CORE» հետազոտական լաբորատորիաները):
ՍՏԵՓԱՆ ՊԱՊԻԿՅԱՆ
