Մեկօրյա հանգստից հետո շախմատի Եվրոպայի կանանց անհատական առաջնության մասնակիցները կրկին նստեցին խաղասեղանների շուրջը: 8-րդ տուրում Լիլիթ Մկրտչյանը հաշտություն կնքեց Ալինա Կաշլինսկայայի հետ ու վաստակեց 5,5 միավոր: Տուրը հաղթական էր Լիլիթ Գալոյանի եւ Մարիա Կուրսովայի համար, որոնք առավելության հասան համապատասխանաբար Ալյոնա Մարտինկովայի եւ Ելենա Չերեդնիչենկոյի նկատմամբ: Լիլիթն ունի 5 միավոր, Կուրսովանՙ 4,5: Իսկ ահա 4 միավոր վաստակած Աննա Հայրապետյանը պարտվեց Յուլիա Կոչետկովային: Նույնպիսի արդյունք ունեցող Ալինա Բալայանն էլ անհաջողության մատնվեց Անաստասիա Բոդնարուկի հետ պարտիայում:
8 տուրից հետո 7 միավորով աղյուսակը գլխավորում է Հունգարիան ներկայացնող Հոանգ Տխան Չանգը, որը հաղթեց Վալենտինա Գունինային: 6,5-ական միավորով առաջատարին հետապնդում են Սալոմե Մելիան եւ Ալեքսանդրա Կոստենյուկը:
