Վրոցլավում վերջնագիծը հատեց շախմատի մրցաշարը, որի 10 մասնակիցների թվում էր գրոսմայստեր Լիլիթ Մկրտչյանը: Հայ շախմատիստուհին իր հնարավորություններից ցածր հանդես եկավՙ 9 հնարավորից վաստակած 4,5 միավորով զբաղեցնելով 6-րդ տեղը: Լիլիթն ավելի հաջող խաղաց վերջնագծումՙ ավարտական 3 տուրերում վաստակելով 2 միավոր: Նա հաղթեց Մոնիկա Սոչկոյին, հաշտություն կնքեց Եկատերինա Աթալիկի եւ Սաբրինա Վեգայի հետ:
Մրցաշարի հաղթող ճանաչվեց վրացի շախմատիստուհի Նինո Բացիաշվիլին, որը վաստակեց 6,5 միավոր եւ լրացուցիչ գործակիցներով առաջ անցավ լեհ Յոաննա Մայդան-Գաեւսկայից:
