Ֆուտբոլի Հայաստանի մինչեւ 19 տարեկանների պատանեկան հավաքականն առաջին միավորը վաստակեց Լեհաստանում մեկնարկած Եվրոպայի պատանեկան առաջնության ընտրական մրցաշարում: Մեկնարկային խաղում մեր ֆուտբոլիստները ոչ-ոքի (1-1) խաղացին ռումինացիների հետ:
Հանդիպման հաշիվը 12-րդ րոպեին բացեց Յոնուց Վինանՙ անկյունայինի խաղարկումից հետո գրավելով Սամվել Հունանյանի պաշտպանած դարպասը: 44-րդ րոպեին Սանկտ Պետերբուրգի «Զենիթի» երիտասարդական թիմում հանդես եկող Արտյոմ Սիմոնյանը վերականգնեց հավասարակշռությունը:
Այդ խաղում Հայաստանի պատանեկան հավաքականը հանդես եկավ հետեւյալ կազմով. Սամվել Հունանյան, Սերոբ Գրիգորյան, Համլետ Ասոյան, Արմեն Մանուչարյան, Ռոբերտ Դարբինյան, Սարգիս Շահինյան, Մհեր Սահակյան (Ալիկ Առաքելյան, 83), Վարդան Բակալյան (Կարեն Հարությունյան, 90), Արտյոմ Սիմոնյան, Անդրեյ Շահգելդյան, Դավիթ Գիզգիզյան:
Հաջորդ հանդիպումը Հայաստանի հավաքականը կանցկացնի հոկտեմբերի 12-ինՙ Տուչոլայում մրցելով լեհերի հետ:
