Շախմատի աշխարհի առաջնության հավակնորդների մրցաշարը կանցկացվի Ռուսաստանի Խանտի-Մանսիյսկ քաղաքում: Դա հայտնի դարձավ, երբ Բուլղարիայի շախմատի ֆեդերացիան հրաժարվեց իր ներկայացրած հայտից:
Աշխարհի չեմպիոնի հետ շախմատային թագը վիճարկելու հավակնորդին որոշելու նպատակով հաջորդ տարի Խանտի-Մանսիյսկում պայքարի մեջ կներգրավվեն Լեւոն Արոնյանը, Վլադիմիր Կրամնիկը, Սերգեյ Կարյակինը, Դմիտրի Անդրեյկինը, Վեսելին Թոփալովը, Շահրիյար Մամեդյարովը եւ 2 այլ շախմատիստներ, որոնք դեռեւս հայտնի չեն: Նրանցից մեկը կլինի Անանդ-Կառլսեն մրցամարտում պարտվողը, իսկ 2-րդին կորոշի Ռուսաստանի շախմատի ֆեդերացիան որպես կազմակերպիչ:
