Վրոցլավում ընթացող ծանրամարտի աշխարհի առաջնությունում Հայաստանի 2-րդ ներկայացուցչին էլ չհաջողվեց խառնվել մեդալների համար մղված պայքարին: Մինչեւ 69 կգ քաշային կարգում Վանիկ Ավետիսյանը երկամարտի 307 կգ (137+170) արդյունքով 23 մասնակիցների մեջ գրավեց 12-րդ տեղը:
Պոկում վարժությունը հայ ծանրորդը սկսեց 132 կգ-ով, ապա միայն 3-րդ մոտեցմամբ բարձրացրեց 137 կգ-ը: Դա 12-րդ արդյունքն էր: Չինացի Հուի Լիաոն հաղթող դարձավ 160 կգ արդյունքով:
Հրում վարժությունում էլ Վանիկ Ավետիսյանը միայն նախնական 170 կգ ծանրությունը բարձրացրեց: 2 անգամ նա փորձեց իրեն ենթարկել 175 կգ-անոց ծանրաձողը, սակայն ապարդյուն:
Աշխարհի չեմպիոնի տիտղոսը նվաճեց չինացի Հուի Լիաոն, որը երկամարտում ցույց տվեց 358 կգ (160+198) արդյունք: Նա 18 կգ-ով գերազանցեց արծաթե մեդալը նվաճած ռուսաստանցի Օլեգ Չենին: Բրոնզե մեդալակիր դարձավ ադրբեջանցի Ֆիրիդուն Գուլիեւըՙ 337 կգ (143+194):
Հայաստանից մրցումների վերջին օրը մրցահարթակ դուրս կգա գերծանրքաշային Հայկ Հակոբյանը:
Մինչեւ 62 կգ քաշային ծանրորդների մրցավեճում էլ հաղթող ճանաչվեց Չինաստանի ներկայացուցիչըՙ Լիջուն Չենը, որը երկամարտում ցույց տվեց 321 կգ (146+175) արդյունք: Նրանից ընդամենը 1 կգ-ով հետ մնաց կորեացի Կիմ Ուն Գուկը: Բրոնզե մեդալը նվաճեց կոլումբ
