Շրջակա միջավայրի նախարարությունն, ըստ երեւույթին, նոր գործառույթ ունի. ժողովրդական գործիքների հանրահռչակմամբ է զբաղվում: Հոկտեմբերի 19-ին ՇՄ նախարար Հակոբ Սիմիդյանի մամուլի քարտուղար Անի Հակոբյանը Facebook-ի իր էջում լուսանկար էր հրապարակել, որտեղ բնապահպանական թեմայով միջոցառման ժամանակ երեք աղջիկ քանոն են նվագում: Քանոնի չքնաղ հնչյունների ներքո մեկնարկեց Կլիմայի փոփոխության շրջանակային կոնվենցիայի Ասիա-Խաղաղօվկիանոսյան տարածաշրջանի եւ Արեւելյան Եվրոպայի փորձագետների խորհրդատվական խմբի տարածաշրջանային հանդիպումը»,- լուսանկարին կից գրել է նա:
Սիմիդյանի մամուլի քարտուղարից «Ազգ»-ը հետաքրքրվեց ՝ ի՞նչ կապ ունի քանոնը բնապահպանության հետ, ու միմյանց հետ աղերս չունեցող երկու ոլորտները որտե՞ղ են իրար հետ կապվում: «Աշխատաժողովին հրավիրված են ներկայացուցիչներ աշխարհի շուրջ 40 երկրից, եւ կարծում եմ՝ ավելորդ չէ ողջունել հայկական մշակույթը ներկայացնող հնչյուններով»,- ի պատասխան մեր հարցի՝ նշեց Հակոբյանը: Դիտարկմանը, թե հայկական մշակույթը ներկայացնելու համար այդքան էլ հարմար վայր չի ընտրվել եւ դրա ո՛չ տեղն էր, ո՛չ՝ ժամանակը, մամուլի քարտուղարը հակադարձեց՝ շարուանկելով. «Միջոցառման ընթացքում մշակությաին այլ հատվածներ նույնպես եղել են»:
Այս ամենից հետո միայն մեկ բան է մնում հուսալ, որ շրջակա միջավայրի նախարարությունը հետագա միջոցառումների ժամանակ զուռնա-դհոլ համադրությամբ չի փորձի հանրահռչակել հայկական մշակույթը, իսկ նախարար Սիմիդյանն իր հանդիպումները կամ մամուլի ասուլիսները պարկապզուկի հնչյունների ներքո չի սկսի:
ՍԵՎԱԿ ՎԱՐԴՈՒՄՅԱՆ
