Ermenihaber.am-ը, հղում անելով gazeteduvar.com-ին, գրում է, որ Կոմիտասի ծննդյան 150-րդ տարեդարձի առթիվ Ստամբուլում համերգ տեղի կունենա:
«Հնչում է Առավոտ լուսոն» խորագրով համերգին կմասնակցեն մի շարք անվանի արվեստագետներ ու երաժշտական խմբեր Թուրքիայից, ԱՄՆ-ից եւ Հայաստանից: Համերգի ընթացքում Կոմիտասի ստեղծագործությունները կկատարեն Այնուր Դողանը, Էրթան Թեքինը, Գեւորգ Դավթյանը, Լեւոն Էրոյանը, «Լուսավորիչ» մանկական երգչախումբն ու Սեւանա Չաքերյանը, Փերվին Չաքարը, Շեւվալ Շամը, «Ոմանք» երաժշտական խումբը, Հայաստանից հրավիրված «Գողթն» երաժշտական խումբը, ԱՄՆ-ից հրավիրված Արա Դինքչյանը եւ Զուլալ եռյակը:
Թուրքական «Anadolu Kultur» ու «Kalan Muzik» մշակութային կենտրոնների եւ Մաքսիմ Գորկու անվան թատրոնի համագործակցությամբ կազմակերպված համերգը տեղի կունենա հոկտեմբերի 7-ին ժամը 20:30-ինՙ Ստամբուլի «Cemal Reit Rey» համերգասրահում: Համերգը նաեւ ուղիղ եթերով կհեռարձակվի «Kalan Muzik»-ի Youtube-ի էջում:
