Ասում ենՙ չինացիք սովորություն ունեն ուտելու շարժվող ամեն բան։ CNN-ը երեկ հաղորդեց, որ Չինաստանի որոշ նահանգներում, որոնց թվումՙ Ուբեր նահանգը, որը համարվում է նոր կորոնավիրուսի ծննդավայր, դեռեւս գործում են մսավաճառքի համապատասխան կետեր, որտեղ հաճախորդները կարող են ձեռք բերել շան, կատվի, օձի եւ անգամ առնետի միս։
Անշուշտ, կառավարությունը արգելել է նման վաճառակետերի գործունեությունը, ծանր տուգանքներ հաստատելով դրանց դեմ, սակայն, միեւնույն է, այդ կետերում շարունակվում է վերոհիշյալ եւ այլ կենդանիների մսի վաճառքը, անգամՙ մորթը, ինչպես սովետական ժամանակներում էին ասումՙ «տակից», առաջացնելով առողջապահական կազմակերպությունների, ինչպես նաեւ կենդանասերների զայրույթն ու բողոքը։
