Երեկ, մարտի 18-ին, ՀՀ Գիտությունների ազգային ակադեմիայի նախագահության դահլիճում տեղի ունեցավ 1921թ. մարտի 16-ին կնքված` Մոսկվայի պայմանագրին նվիրված կլոր-սեղան քննարկում: Քննարկումը նախաձեռնվել էր ԳԱԱ-ի, Խ. Աբովյանի անվան ՀՊՄՀ-ի եւ «Հայաստանը 1920-1991թթ.» լաբորատորիայի նախաձեռնությամբ:
Քննարկումը վարեցին ԳԱԱ պատմության ինստիտուտի տնօրեն, ակադեմիկոս Աշոտ Մելքոնյանն ու ՀՊՄՀ ռեկտոր, պրոֆեսոր Ռուբեն Միրզախանյանը :
Քննարկմանը մասնակցում էին ականավոր պատմաբաններ եւ թեմային առնչվող մասնագետներ: Հայաստանից մասնակցում էին` ԳԱԱ հայագիտության եւ հասարակական գիտությունների բաժանմունքի ակադեմիկոս-քարտուղար, տ.գ.դ. պրոֆեսոր Յուրի Սուվարյանը , ԳԱԱ ակադեմիկոս, պ.գ. դ. Ռուբեն Սաֆրաստյանը , ԳԱԱ թղթակից անդամ պ.գ.դ. պրոֆեսոր Արամ Սիմոնյանը , պ.գ.դ պրոֆեսորներ Արման Եղիազարյանը , Կարեն Խաչատրյանը եւ այլք, Ռուսաստանից` «Միջազգային վերլուծություն» ամսագրի գլխ. խմբագիր Սերգեյ Մարկեդոնովը , պ.գ.դ. Ալեքսանդր Կռիլովը , Հետխորհրդային հետազոտությունների փորձագետ Վադիմ Մուխանովը , Ուրալի Դաշնային համալսարանի «Պատմության ֆակուլտետ» դեպարտամենտի տնօրեն Ալեքսանդր Պալկինը եւ նույն համալսարանի Ռուսաստանի պատմության ամբիոնի վարիչ Սերգեյ Սոկոլովը :
Մասնակիցները քննարկման ժամանակ պատմական անդրադարձ կատարեցին 100 տարի առաջ տեղի ունեցած անարդարությանն ու հասնելով մեր օրեր` փորձեցին լուծման համար խելամիտ ելքեր փնտրել եւ առաջարկել:
Հանդիպում-քննարկման մասին ավելի մանրամասն կներկայացնենք մեր թերթի հաջորդ համարում:
