Այդ մասին փետրվարի 16-ի համարում գրել է Կ. Պոլսո «Ակօս» շաբաթաթերթը: Խոսքը Վանի Արդամեդ գավառում աշխարհահռչակ հայ գեղանկարիչ Արշիլ Գորկու հիշատակին կառուցված աղբյուրի մասին է, որն անխնամության պատճառով, ինչպես «Ակօս»-ն է վկայում, օրըստօրե մաշվում է: Շաբաթաթերթը գրում է, որ Արդամեդում ընտրված գավառապետի պաշտոնանկությունից հետո նշանակվել է տեղապահ: Կասկածից վեր է, որ պաշտոնանկ արված գավառապետը եղել է քրդամետ Ժողովուրդների դեմոկրատական կուսակցության ներկայացուցիչ, իսկ նշանակված տեղապահը՝ նախագահ Էրդողանի երկրում իշխող «Արդարություն ¨ բարգավաճում» կուսակցության:
Ի դեպ՝ այս եր¨ույթը սոսկ Վանին յուրահատուկ չէ: Թուրքիայի քրդաբնակ հարավ-ար¨ելյան շրջաններում ընտրված բոլոր քաղաքապետներն ու գավառապետներն Էրդողանի հրահանգով պաշտոնանկ են արվել, որոնց փոխարինել են նշանակված տեղապահները:
Հենց տեղապահի օրոք էլ Արդամադում նախ չքացել է աղբյուրի 4 ծորակը, ապա վերացել է նա¨ այն հուշաքարը, որտեղ հայրենի գավառում հայերեն, անգլերեն, քրդերեն ¨ թուրքերեն ներկայացվում էր Արշիլ Գորկու համառոտ կենսագրությունը: Հրոսակները վնասել են նա¨ հուշարձանի «Գորկիի աղբյուրը» մակագրությունը: Մեջլիսի Ժողովուրդների դեմոկրատական կուսակցության պատգամավոր Կարո Փայլանը վերջերս կրկին այցելել է Վան, տեսնելով Արդամեդում աղբյուրի տխուր վիճակը, հայտնել է, որ այս անարգանքը փորձելու է մտցնել Մեջլիսի օրակարգը ¨ դրա համար բացատրություն պահանջելու իշխանության պատասխանատու գործիչներից:
