Պատերզմում պարտվելուց հետո ՀՀ իշխանության թիրախը դարձան բանակն ու զինվորականությունը։
3-րդ բանակային կորպուսի հրամանատար Գրիգորի Խաչատուրովը կոտրվողներից չէ. Իշխանությունները դա էլ լավ գիտեին, ու որպեսզի նա «չխանգարեր» իրենց ծրագրերին, պետք էր գեներալին փակի տակ պահել, ինչն էլ արեցին։
Գրիգորի Խաչատուրովն Ադրբեջանի հետ ամենաերկար սահմանն էր պաշտպանում Տավուշում՝ Իջևանից մինչև Ճամբարակ։ Նա մեծ հեղինակություն ունի Տավուշում, նաև զինվորականության շրջանում։
Եթե Տավուշում տարածքներ հանձնվեն Ադրբեջանին, մենք Վրաստանի հետ կապող միջպետական ճանապարհ կկորցնենք։
«Եթե Գրիգորի Խաչատուրովը Տավուշում լիներ, ես խիստ կասկածում եմ, որ նա թույլ տար թշնամու աչքադրած տարածքները հանձնել։ Այդ շրջանն ամուր պաշտպանված է, որովհետև այդտեղ իր ծառայությունն է անց կացրել Գրիգորի Խաչատուրովը։ Բացի այդ, 1994 թվականից մենք այնտեղ պաշտպանական բնագծեր ենք կառուցել։ Ես եղել եմ այդ բանակային կորպուսի հրամանատարի տեղակալը, շատ լավ գիտեմ իրավիճակը։ Մենք շատ տեղերում թշնամու նկատմամբ շահեկան դիրքերում ենք։
Բոլոր այն տարածքները, որոնք Ադրբեջանը հավակնում է վերցնել, հայկական գյուղերի սահմաններից մինչև 1 կմ, մոտ 40 գյուղի բարձունք Ադրբեջանը վերցնելու է։ Հայ-ադրբեջանական սահմանի 64 գյուղ վտանգվելու է, որովհետև թշնամին կանգնած է լինելու այդ բնակավայրերից 1-2 կմ հեռավորության վրա։ Ընդհանուր առմամբ՝ 104 գյուղ վտանգվելու է, գյուղացիները չեն կարողանալու ապրել թշնամու դիտակետի, թիրախի տակ, ու այդ տարածքները հայաթափվելու են»,- իրավիճակը ներկայացրեց Գրիգորի Խաչատուրովի հանրային պաշտպանության նախաձեռնության ներկայացուցիչ Հայկ Նահապետյանը։
Մանրամասները՝ տեսանյութում.
