Չի հայտարարվել, որ Սահմանադրության փոփոխությունը տեղի է ունենալու ընտրություններից առաջ, պետք է ամեն ինչ անենք, որ որ Սահմանադրության տեքստը պատրաստ լինի մինչև ընտրությունները. Կառավարության նիստից հետո՝ ճեպազրույցի ժամանակ, ասաց Արդարադատության նախարար Սրբուհի Գալյանը։
Նա նշեց, որ ճիշտ չէ մեր Սահմանադրության փոփոխությունները կապել արտաքին գործոնների հետ. դա մեր ներքին հարցն է։ Ժողովուրդը կորոշի՝ ուզո՞ւմ է ունենալ նոր Սահմանադրություն, թե ոչ։
Լրագրողները հարցրին Սամվել Կարապետյանի գործով միջազգային արբիտրաժային դատարանի վճռի մասին։ Նա ասաց, որ կողմը իրավունք և լիարժեք հնարավորթյուն ունի դիմելու ՀՀ ներպետական դատարանին, որպեսզի դատարանը ճանաչի արբիտրի որոշումը, հետո նոր այն դառնա պարտադիր կատարմար ենթակա։
«Ներպետական օրենսդրությամբ և միջազգային կոնվենցիայով կա հնարավորություն այդ որոշումը չկատարելու, եթե դա հակասում է հանրային կարգին։ Դա կհակասի՞ հանրային կարգին, թե ոչ. չեմ կարող ասել։ Դա պետք է դառնա պարտադիր կատարման ենթակա միայն ներպետական դատարանի որոշման հիման վրա։ Կողմը կարող է դիմել մեր ներպետական դատարանին այդ որոշումը հարկադրաբար կատարելու համար։ Քանի դեռ դա չի իրականացվել, որևէ հետևանք ունենալ չի կարող։
Ժամանակավոր կառավարչի մուտքը ՀԷՑ հետապնդել է մի նպատակ՝ խուսափել ճգնաժամից, որը մեզ սպառնում է»,- հայտարարեց Գալյանը։
Հիշեցնենք, որ Սամվել Կարապետյանը ՀԷՑ-ը պետականացնելու գործով միջազգային դատարանում հաղթել է ՀՀ կառավարությանը։
Գործի քննությանը մասնակցել է նաև Հայաստանի Հանրապետության կառավարության ներկայացուցիչը։ 2025 թվականի հուլիսի 22-ին Ստոկհոլմի առևտրային պալատի արբիտրաժային ինստիտուտի նշանակած հրատապ արբիտրաժը պարտավորեցրել է Հայաստանի Հանրապետությանը ձեռնպահ մնալ «Հայաստանի էլեկտրական ցանցեր» փակ բաժնետիրական ընկերության նկատմամբ վերջերս ընդունված «էներգետիկայի մասին» և «Հանրային ծառայությունները կարգավորող մարմնի մասին» ՀՀ օրենքներով սահմանած դրույթների կիրառումից, ինչպես նաև «ՀԷՑ» փակ բաժնետիրական ընկերության բռնագրավման հետագա քայլերից»։
