«Ադրբեջանն ամիսներ շարունակ լայնածավալ հակաքարոզչություն է սկսել Ֆրանսիայի նկատմամբ, որի թե պաշտոնական, թե հանրային հարթակներում հնչում են հասցեական գնահատականներ և ահազանգեր Ադրբեջանի կողմից Լեռնային Ղարաբաղի հայության դեմ իրագործվող ապօրինի քայլերի մասին։
Ֆրանսիայի դեմ ուղղված քարոզչությունը այլ երկրների կողմից Լեռնային Ղարաբաղում հաստատված հումանիտար ճգնաժամին հասցեական հնարավոր գնահատականները կանխելն է։ Հայաստանն իր հերթին, շնորհակալություն հայտնելով Ֆրանսիային, պետք է բոլոր միջոցները ձեռնարկի, որ ավելի ու ավելի շատ երկրներ և միջազգային կազմակերպություններ հասցեական գնահատականներով հանդես գան Լեռնային Ղարաբաղում հաստատված հումանիտար ճգնաժամի վերաբերյալ»,- Կառավարության այսօրվա նիստում ասաց Փաշինյանը։
Նրա խոսքով՝ Ադրբեջանը միջազգային կազմակերպությունների և երկրների է թիրախավորում, եթե նրանք փորձում են դատապարտել էթնիկ զտման իր քաղաքականությունը և օբյեկտիվ գնահատական տալ դրան։
Նրա խոսքով՝ այս ողջ իրավիճակին Հայաստանի արձագանքը պետք է լինի շարունակական դիվանագիտական աշխատանքը։
«Որքան էլ ծանր լինի թե բարոյապես, թե քաղաքական, թե էմոցիոնալ առումով, մենք որևէ պարագայում ինքնատիրապետումը չպետք է կորցնենք»,- ընդգծեց Փաշինյանը։
