Հայաստանը պատրաստ է վերսկսել շփումները ադրբեջանական կողմի հետ. խորհրդարանում հայտարարել է ՀՀ արտգործնախարար Արարատ Միրզոյանը։
«Նույնիսկ ուղղակի շփումների դադարեցման դեպքում բանակցային գործընթացը երբեք չի ընդհատվել, այս ընթացքում կողմերը մի քանի անգամ առաջարկներ են փոխանակել խաղաղության պայմանագրի տեքստի վերաբերյալ»,- ասաց նախարարը։
Նշենք, որ այսօր՝ ավելի վաղ, ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում ասել է, որ կողմերի հաջորդ հանդիպումը կկայանա Ռուսաստանի Դաշնությունում։
