Ադրբեջանական կողմը մտադիր է ապահովել խաղաղությունն ու անվտանգությունը տարածաշրջանում, և արտաքին բոլոր միջամտությունները, որոնք խոչընդոտում են այս գործընթացին, վճռականորեն կճնշվեն
Այս մասին հայտնել է Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեն՝ մեկնաբանելով Ֆրանսիայի նախագահ Էմանուել Մակրոնի՝ դեսպանների համաժողովում հնչեցրած հայտարարությունները։
«Ավելի օգտակար կլիներ, եթե ֆրանսիական կողմը, որը հավակնում է լինել Պրահայում ԵՄ առաքելության և 1991 թվականի Ալմա-Աթայի հռչակագրի շրջանակում սահմանը ճանաչելու նախաձեռնության հեղինակը, պատասխաներ նաև այն հարցին, թե ինչու է դա արել. Ադրբեջանական տարածքների գրեթե 30 տարվա օկուպացիայի ընթացքում նա նման նախաձեռնություններով հանդես չի եկել։
Ֆրանսիայի նախագահ Էմանուել Մակրոնի կողմնակալ հայտարարությունները օգոստոսի 28-ին դեսպանների համաժողովում, որոնք կեղծ տպավորություն են ստեղծում տարածաշրջանում առկա իրավիճակի մասին և միակողմանիորեն պաշտպանում Հայաստանին, վնասում են խաղաղ գործընթացին»,- ասվում է հայտարարության մեջ։
