Երևանում, ի պաշտպանություն Արցախի, բողոքի ակցիաները շարունակվում են։
Հիշեցնենք, որ Կարմիր խաչի արցախյան գրասենյակի դիմաց ևս շարունակվում է նստացույցը՝ հաջակցություն Հակարիի կամրջի ապօրինի անցակետից առևանգված Վագիֆ Խաչատրյանի։
Երևանում՝ ՄԱԿ-ի հայաստանյան գրասենյակի առաջ ևս մի խումբ քաղաքացիներ բողոքի ակցիա են անում՝ միջազգային հանրությունից պահանջելով աչք չփակել ադրբեջանական սանձարձակ գործողությունների վրա։
«Հակարիի կամրջից այս կողմ ես միայնակ եմ, հարազատներս գտնվում են Արցախում: Այսօր հույսս ձեզանից յուրաքանչյուրն է, խնդրում եմ ինձ միայնակ չթողնել, Վագիֆ Խաչատրյանը ամբողջ հայ ժողովրդի կերպարն է: Խնդրում եմ բոլորիդ, կանգնեք կողքիս ձեր խորհրդով, ձեր ուժով»- ՄԱԿ-ի գրասենյակի առաջ ասաց առևանգված Վագիֆ Խաչատրյանի դուստրը։
Նա պատմել է, որ հայրն Արցախից Հայաստան էր գալիս սիրտը շտապ վիրահատելու։ Պետք է սրտի բաց վիրահատություն տաներ։
Բոլոր հիվանդները տեղափոխվել են Հայաստան, իսկ նրա հորն ադրբեջանցիներն առևանգել են:
«Մենք ոչ մի տեղեկություն չունենք հորիցս, միայն այն, որ ասել են՝ Բաքվի հիվանդանոցում է:
Ադրբեջանն այնպիսի «փաստեր» է ներկայացնում, որ բացաձակ իրականությանը չեն համապատասխանում: Վերջերս ասում էին, որ Սամվել Բաբայանի վարորդն է եղել։ Հարգելիսնե՛րս, դա կեղծ լուր է: Նա բավականին հավասարակշռված, զուսպ կերպար է: Այն նկարները, որ համացանցում տարծվում են, իբրև թե հորս երիտասարդ ժամանակվա նկարներն են, ևս իրականությանը չեն համապատասխանում, դրանք հորս նկարները չեն»,- ասել նա:
Նա անհանգիստ է, որովհետև չգիտե՝ առողջական ծանր վիճակում գտնվող հայրն այս պահին ո՞ղջ է, կդիմանա՞ ադրբեջանցիների ձեռքին։
