Իրանը մտահոգություն չի հայտնել ԱՄՆ սահմանային հսկողության փորձագետների աշխատանքային խմբի առաջիկա այցի կապակցությամբ. ԱԺ-ում լրագրողներին ասել է Հայաստանի փոխարտգործնախարար Պարույր Հովհաննիսյանը՝ խոսելով ԱՄՆ-ի հետ ստորագրված Ռազմավարական համագործակցության պայմանագրի մասին։
«Քիչ առաջ ԱԳ փոխնախարար Վահան Կոստանյանն այցելեց Թեհրան։ Մեր իրանցի գործընկերների կողմից որևէ մտահոգություն նկատե՞լ եք։ Ընդհակառակը, կրկին արձանագրվեց համագործակցության բարձր մակարդակ։ Չկան այնպիսի հարցեր, որոնց շուրջ մենք համաձայնության չգանք Իրանի հետ, մեր հարաբերությունները գտնվում են աննախադեպ բարձր մակարդակի վրա, դա երևում է փոխայցելություններից և հայտարարություններից»,- ասել է Հովհաննիսյանը։
