Ռուս-հայկական հարաբերությունները բարդ շրջան են ապրում, Արևմուտքը մեծացնում է ճնշումը Հայաստանի վրա և դրդում նրան՝ խզել ավանդական հարաբերությունները Մոսկվայի հետ. հայտարարել է Ռուսաստանի արտաքին գործերի նախարարությունը։
«Ռուս-հայկական հարաբերությունները բարդ շրջան են ապրում, ինչը շատ առումներով պայմանավորված է Արևմուտքի քայլերով։ Նրանք անցած տարվա ընթացքում մեծացրին ճնշումը Հայաստանի վրա՝ դրդելով խաթարել Ռուսաստանի հետ ավանդական կապերը, պարտադրեցին հայ ժողովրդին խորթ արժեքներ։ Ցավոք, Հայաստանում հաճախ դրական արձագանքի արժանացան Ռուսաստանին իրենցով փոխարինելու մասին ԱՄՆ-ի և ԵՄ-ի չհիմնավորված խոստումները, այնինչ ՀԱՊԿ-ը Հայաստանի անվտանգության անկյունաքարն է, իսկ ԵԱՏՄ-ին անդամակցությունը՝ Հայաստանի տնտեսական բարեկեցության երաշխիքը»,- ի պատասխան ԶԼՄ-ների հարցերի՝ հայտարարել են ՌԴ ԱԳՆ-ում։
