Ղարաբաղի հայերի ներկայացուցիչները ժամանել են Եվլախ քաղաք, որտեղ կհանդիպեն Միլլի Մեջլիսի պատգամավոր Ռամին Մամեդովի հետ. գրում են ադրբեջանական լրատվամիջոցները։
Մամեդովը Արցախի հայերի հետ հարաբերությունների պատասխանատու է նշանակված, նա ծնվել է Արցախի Մարտունի քաղաքում։
Արցախի իշխանությունների կողմից Եվլախ է մեկնել Արցախի ԱԺ «Արցախի ժողովրդավարական կուսակցություն» խմբակցության պատգամավոր Դավիթ Մելքումյանը։
Եվլախի հանդիպմանը կքննարկվեն վերաինտեգրման հարցեր՝ Ադրբեջանի Հանրապետության Սահմանադրության և օրենքների հիման վրա․ նշում են ադրբեջանական զլմները։
Ինչպես արդեն տեղեկացրել ենք, Արցախի Հանրապետության իշխանություններն ընդունում են ռուսական խաղաղապահ առաքելություն իրականացնող զորակազմի հրամանատարության առաջարկությունը՝ կրակի դադարեցման վերաբերյալ:
Համաձայնություն է ձեռք բերվել՝
— դուրս բերել Հայաստանի Հանրապետության՝ [Արցախում] մնացած զինված ուժերը ռուս խաղաղապահ զորակազմի տեղակայման գոտուց,
— լիարժեք զինաթափել «Լեռնային ղարաբաղի պաշտպանության բանակի» զինված խմբավորումները,
— դուրս բերել ծանր տեխնիկան ու սպառազինությունը Լեռնային ղարաբաղի տարածքից՝ դրանց շուտափույթ ուտիլիզացման նպատակով:
