Ադրբեջանը մտադիր է մեծացնել իր ռազմական հզորությունը, այդ թվում`ավելացնել զինված ուժերի քանակը և ձեռք բերել նոր ռազմական տեխնիկա: Այս մասին Ադրբեջանի նախագահ Իլհամ Ալիևը հայտարարել է շաբաթ օրը ՝ երկրում Զինված ուժերի օրվա առթիվ հանդիպելով զինվորականների հետ:
«Կարող եմ ասել, որ մեր բանակի և զինված ուժերի անձնակազմի քանակը կավելանա: Իհարկե, մենք կավելացնենք մեր ռազմական ներուժը` ճիշտ վերլուծելով ղարաբաղյան երկրորդ պատերազմի ընթացքն ու արդյունքները», Ալիևի խոսքերը մեջբերում է ՏԱՍՍ գործակալությունը:
«Հայաստանը պետք է հասկանա, որ Ադրբեջանը շարունակելու է այսուհետ էլ ուժեղանալ, դրանում կասկած չկա։ Պատերազմից հետո արդեն տրվել են համապատասխան հրահանգներ, կնքվել են նոր պայմանագրեր, սկսվել է նոր տեսակի զենքի, ամենաժամանակակից տեխնիկայի ձեռքբերման գործընթացը։ Հաստատվել են զինված ուժերում կառուցվածքային բարեփոխումները», հավելել է Ադրբեջանի նախագահը:
