Այս իշխանությունների թեզը ո՞րն էր՝ Ղարաբաղի հարցը չի լուծվել, դրա համար էլ վատ ենք ապրում, հիմա լուծվեց, տեսեք՝ ինչքան լավ ենք ապրում. խորհրդարանական ճեպազրույցի ժամանակ ասաց «Հայաստան» խմբակցության պատգամավոր Արթուր Խաչատրյանը։
Կառավարության անդամներն էլ, իրենց ղեկավարով հանդերձ, ասում են՝ Հայաստանը երբեք այսքան անվտանգ, ապահով ու ժողովրդավար չի եղել։
Արտաքին պարտքը հասցրել են աստղաբաշխական ծավալների, բայց ասում են՝ կառավարելի է։
«Բարձր խոլեստերին էլ, եթե մահացու դոզան չի անցնում, պացիենտն ապրում է, բայց մահանալու հավանականությունը շատ մեծանում է։ Հիմա ասում են՝ չէ, դեռ ողջ ենք։ Արտաքին պարտքի սպասարկման համար ավելի փատ փող են տալիս, քան առողջապահության, արդարադատության, արտաքին քաղաքականության ոլորտներին, բոլոր մարզպետարաններին։ 3 օրում ավելի շատ փող ենք դուրս տալիս, քան Գյումրիի բյուջեն է։ Արդյունքում ի՞նչ ունենք՝ 5 տոկոս տնտեսական աճ, չնայած իրենք խոստացել էին առնվազն 7 տոկոս»,- չոր փաստերն արձանագրեց Արթուր Խաչատրյանը։
