Ահազանգեր եմ ստանում Մարտունու, Վայքի, Գյումրիի և այլ շրջաններից, որ անհայտ անձինք պոկում են ընդդիմադիր կուսակցությունների նախընտրական պաստառները, իսկ ոստիկանությունը բնակիչներին արգելում է ընդդիմության պաստառներ փակցնել իրենց տների պատշգամբներին, ինչը օրենքով արգելված չէ։
Փոխարենը, ըստ ահազանգերի, ՔՊ -ի նախընտրական պաստառները ամենուր անարգել փակցվում են խանութների, հանրային սննդի կետերի ցուցափեղկերին, տաքսիների վրա, ինչը օրենքով խիստ արգելվում է։
Սիրելի հայրենակիցներ, եթե որևէ մեկը ձեզ արգելի ձեր սեփական տների պատերին կամ պատշգամբներին փակցնել ընդդիմության նախընտրական պաստառ, անմիջապես ցույց տվեք ՀՀ ընտրական օրենսգրքի հոդված 21-ը։
Իսկ եթե ձեր քաղաքում կամ գյուղում տեսնում եք, որ ՔՊ -ի կամ որևէ մեկ ուրիշ կուսակցության նախընտրական պաստառներ են փակցրել դպրոցների, համալսարանների, խանութների, սննդի կետերի, ավտոբուսների կամ տաքսիների վրա, ապա նախ դիմեք ոստիկանություն և պարտադրեք հանել այդ պաստառները, իսկ եթե ոստիկանները դա չեն անում, գրեք ինձ։ Ես գիտեմ, թե ինչպես ստիպենք ոստիկանությանը’ գործ անել, իսկ ՔՊ -ին’ չափերի մեջ մնալ։
Նաիրի Հոխիկյան, լրագրող, hեռուստամեկնաբան, կինովավերագրող
