Մարդիկ չունեին փորձ, չունեին գիտելիքներ, բայց հագել էին մի կոստյում, որը հաստատ իրենց վրայով չէր։ Անճարության մի զգացողություն էր, որ տեսնում ես՝ հայրենիքը կորցնում ես. 5-րդ ալիքին տված հարցազրույցում ասել է ՀՀ երկրորդ նախագահ Ռոբերտ Քոչարյանը՝ խոսելով 44-օրյա պատերազմի մասին
Նա նշել է, որ Նիկոլ Փաշինյանը ներքին չարության հսկայական ծավալ ունի։ «Իր մարմնի մեջ այդ չարությունը չի տեղավորվում, անընդհատ դուրս է տալիս։ Եթե ինքն է լինելու, այդպես է լինելու, մենք ներքին համերաշխություն ու կայունություն չենք ունենալու»,- ասել է նա։
44-օրյա պատերազմի հրադադարի եռակողմ փաստաթղթի ստորագրումից 5 տարի անց՝ նոյեմբերի 9-ին՝ 21:00-ին, «5-րդ ալիքը» կհրապարակի երկրորդ նախագահ Ռոբերտ Քոչարյանի բացառիկ հարցազրույցը:
Հարցազրույցը նաև հեռարձակվելու է ՀՀ երկրորդ նախագահ Ռոբերտ Քոչարյանի բոլոր պաշտոնական հարթակներով։
