Լսեցի հարցազրույցը, ու այլևս լռել հնարավոր չէ։
Սուրեն Պետրոսյան, դու այսօր փորձում ես քեզ ներկայացնել որպես շարժման «սկիզբ», որպես մարդ, ով իբր ժողովրդի ու Սրբազանի միջև կապող օղակ է եղել։ Ասեմ ուղիղ՝ սա կեղծ օրակարգ է, սուտ պատմություն, որը դու փորձում ես վաճառել հանրությանը։
Իրականությունը բոլորովին այլ է։
Բագրատ Սրբազանը քեզ վստահել է՝ որպես մարդ, ով կարող է օգտակար լինել։ Բայց դու այդ վստահությունը չարդարացրեցիր։ Դու ոչ թե կանգնեցիր մինչև վերջ, այլ առաջին լուրջ պահին հեռացար։ Հունիսի 12-ը դրա ամենապարզ ապացույցն է․ դու պարզապես փախար։
Ես քեզ անձամբ եմ տեսել, ճանաչել եմ քո պահվածքը հենց սկզբից, և դեռ այն ժամանակ պարզ էր՝ քո ներգրավվածությունը հարցեր է առաջացնում։ Այսօր արդեն կասկածի տեղ չկա։
Հիմա փորձում ես պատմությունը շուռ տալ, քեզ վերագրել այն, ինչ քոնը չէ։ Բայց հանրությունը կույր չէ։ Մարդիկ տեսել են՝ ով է մնացել մինչև վերջ, ով է կրել պատասխանատվություն, և ով է ընտրել հեռանալ։
Ես չէի պատրաստվում հրապարակային խոսել քո մասին, բայց դու ինքդ ստիպեցիր։
Մնացածը դեռ կասվի։ Հանրային ձևով։ Եվ այս անգամ ոչ թե կուլիսներում, այլ բոլորի աչքի առաջ։
Միհրան Մախսուդյան, ՀՀ ԶՈՒ պահեստազորի գնդապետ
