Չինաստանի աճը անհանգստություն չի առաջացնում Ռուսաստանում, այդ գործոնը կարող է միայն անհանգստացնել համաշխարհային գերիշխանության հավակնողին, ասաց ՌԴ նախագահի մամուլի քարտուղար Դմիտրի Պեսկովը:
«Դուք միանգամայն ճիշտ եք նշել, որ այո, Ամերիկան անհանգստացած է Չինաստանի աճով: Բայց ո՞վ կարող է անհանգստանալ Չինաստանի աճով: Միայն նա, ով հավակնում է նույն համաշխարհային գերիշխանությանը», ասել է Կրեմլի խոսնակը հինգշաբթի հարցազրույց տալով ՌԴ Առաջին ալիքին:
Նա ավելացրել է, որ Ռուսաստանը չի հավակնում այդպիսի դերի, հետևաբար ՉԺՀ-ի արագ զարգացումը նրան չի մտահոգում: Կրեմլի խոսնակը նշել է, որ Ռուսաստանի նախագահ Վլադիմիր Պուտինը Չինաստանը չի քննարկել Ժնևում ամերիկացի իր գործընկեր Ջո Բայդենի հետ բանակցությունների ժամանակ, թեև Վաշինգտոնի և Պեկինի մրցակցության թեման «օդում զգացվում էր մի շարք հայտարարություններում»:
