Եվրոպայի մի քանի պետություններ օգնում են Հունաստանին՝ պայքարելու ուժգին անտառային հրդեհների դեմ Ատտիկայի կենտրոնական շրջանում, Եվբեա կղզում և Պելոպոնեսում: Այս մասին հինգշաբթի ճեպազրույցի ժամանակ հայտարարել է քաղաքացիների պաշտպանության փոխնախարար Նիկոս Հարդալիասը, որը պատասխանատու է ճգնաժամային իրավիճակներում քաղաքացիական պաշտպանության և գործողությունների համակարգման համար:
Աթենքը դիմել է Քաղաքացիական պաշտպանության եվրոպական մեխանիզմին հրդեհների մարման հարցում օգնության համար: Մի շարք պետություններ արդեն ցուցաբերել են օգնություն կամ կտրամադրեն մոտ օրերս: Նա նշել է Կիպրոսը, Ֆրանսիան, Շվեդիան, Ռումինիան, Շվեյցարիան։
Հունաստանում արդեն 10 օր է՝ անոմալ շոգ է: Ջերմաստիճանը տեղ-տեղ բարձրացել է մինչեւ 47 աստիճան: Արդյունքում ամեն օր տասնյակ անտառային հրդեհներ են բռնկվում ամբողջ երկրում:
