Bloomberg-ը գրում է, որ ԱՄՆ ամենահարուստ մարդկանց կարողությունն աճել է 195 միլիարդ դոլարով Ջո Բայդենի նախագահության առաջին 100 օրվա ընթացքում։ Նա պետության ղեկավար դարձավ 2021 թվականի հունվարի 20-ին:
Բայդենի վարչակազմի առաջին գլխավոր որոշումը ամերիկյան տնտեսության խթանման համար 1,9 տրիլիոն դոլար հատկացնելն էր: Իհարկե այդ գումարի մեջ մտնում էր նաև աղքատներին օգնությունը, բայց առյուծի բաժինը ստացան ֆոնդային շուկայի հարուստ խաղացողները։ Արդյունքում S&P 500-ի և Dow Jones-ի ինդեքսներն աճեցին ավելի քան 10%-ով:
Այս պահի դրությամբ Ամերիկայի հարյուր ամենահարուստ մարդկանց համատեղ կարողությունը 2,9 տրիլիոն դոլար է: Սա ավելին է, քան ԱՄՆ բնակչության ավելի քան 50%-ի համատեղ կարողությունը:
