Փորձագետի համաձայն, գարնանը Ռուսաստանում COVID-19-ի դեպքերի աճ չի սպասվում
«Սխալ է խոսել կորոնավիրուսի երրորդ ալիքի մասին, քանի որ համաճարակաբանության ալիքը նշանակում է դեպքերի մակարդակի իջեցում մինչև զրոյական արժեք, իսկ հետո նորից բարձրացում: Մենք դեռևս չենք հատել զրոյական նշագիծը, և ավելի ճիշտ է խոսել կորոնավիրուսի դեպքերի աճի ու նվազման մասին: Այս պահին նվազման փուլ է, իսկ գարնանը աճ չի ակնկալվում, չնայած չենք բացառում սեզոնային տատանումները», ՏԱՍՍ-ին հայտնել է Ռուսաստանի գիտությունների ակադեմիայի թղթակից անդամ, Ռոսպոտրեբնադզորի համաճարակաբանության կենտրոնական հետազոտական ինստիտուտի հետազոտությունների գծով փոխտնօրեն Ալեքսանդր Գորելովը:
