Զենիթահրթիռային Ս-500 «Պրոմեթևս» համալիրը սկսվել է մատակարարվել ռուսական զորքերին պետական փորձարկումների ավարտից հետո: Այդ մասին լրագրողներին հայտնել է ՌԴ փոխվարչապետ Յուրի Բորիսովը Տյումենի նավթագազային ֆորումի շրջանակում:
Ս-500-ը, որն արտադրվել է «Ալմազ-Անթեյ» կոնցեռնի կողմից, նախագծված է հաղթահարելու պոտենցիալ թշնամու բոլոր առկա և հեռանկարային օդատիեզերական հարձակողական զենքերը բարձրությունների և արագությունների ամբողջ տիրույթում: Ս-500-ը կփոխարինի Ս-400 «Տրիումֆ» հակաօդային պաշտպանության համակարգին:
