Ճապոնիայի արտգործնախարար Տոշիմիցու Մոտեգին երեքշաբթի լրագրողներին հայտնել է, որ մտադիր է Իրանի իշխանություններին հորդորել վերադառնալ միջուկային գործարքի իրենց պարտավորությունները այդ երկիր կատարելիք այցի ընթացքում, տեղեկացնում է ՏԱՍՍ-ը:
«Մեր երկրի հետևողական դիրքորոշումն այն է, որ մենք աջակցում ենք միջուկային գործարքին: Ես մտադիր եմ կոչ անել Իրանի իշխանություններին վերադառնալ գործարքով ստանձնած պարտավորություններին: Մենք նաև չափազանց կարևոր ենք համարում Իրանի և ԱՄՆ իշխանությունների միջև երկխոսության կառուցումը», ընդգծել է գերատեսչության ղեկավարը:
Ավելի վաղ Մոտեգին հայտարարել էր, որ Մերձավոր Արևելք կատարելիք ուղևորության շրջանակներում օգոստոսի 15-ից 24-ը նախատեսում է այցելել Եգիպտոս, Իսրայել, Պաղեստին, Հորդանան, Թուրքիա, Իրան և Քաթար:
