Հին եգիպտական ստորջրյա քաղաքում ավելի քան 2000 տարեկան մրգերով զամբյուղներ են հայտնաբերվել

Հին Եգիպտոսի ստորջրյա քաղաքում ավելի քան 2000 տարեկան մրգի զամբյուղներ են հայտնաբերվել Հնագետները մ.թ.ա. չորրորդ դարի բազմաթիվ հնագույն իրեր են գտել, այդ թվում՝ մրգերով զամբյուղներ եւ հունական խեցեղեն:

Հայտնագործությունները կատարվել են խորտակված հնագույն Տոնիս Հերակլիոն քաղաքի ավերակներում, որը դարեր շարունակ Եգիպտոսի ամենամեծ միջերկրածովային նավահանգիստն էր, մինչեւ Ալեքսանդր Մակեդոնացին չհիմնադրեց Ալեքսանդրիան մ.թ.ա. 331 թվականին:

Արտեֆակտները հայտնաբերվել են Եվրոպական ստորջրյա հնագիտության ինստիտուտի (IEASM) հետազոտողների թիմի կողմից` ֆրանսիացի ծովային հնագետ Ֆրանկ Գոդիոյի գլխավորությամբ:

Նրա խոսքով՝ գտածոներն «անհավանական» էին եւ մրգերով զամբյուղները ձեռք չտված էին մնացել ավելի քան 2000 տարի:

Հյուսած զամբյուղները լցված էին արմավենու մտուղներով եւ խաղողի կորիզներով: Գոդդիոն ենթադրել է, որ պտուղները պահպանվել են, քանի որ տեղադրվել են ստորգետնյա սենյակում, հավանաբար՝ թաղման ենթատեքստով, գրում է The Guardian-ը:

News.am