Դեկտեմբերի 13-ին Իսրայելի և Հորդանանի ռազմական և անվտանգության գերատեսչությունների ներկայացուցիչները գաղտնի բանակցություններ են վարել՝ Սիրիայում տիրող իրավիճակի հետ կապված գործողությունները համակարգելու համար. հայտնել է Axios պորտալը։
Կողմերը քննարկել են Սիրիայում տիրող իրավիճակը և Իսրայելի ու Հորդանանի փոխգործակցությունը խմբավորումների հետ, որոնք այժմ անցումային կառավարությանն են ներկայացնում։ Հանդիպմանը բարձրացվել է Հորդանան գետի արեւմտյան ափ զենքի մաքսանենգության աճող սպառնալիքի թեման, որը կարող է հանգեցնել պաղեստինյան տարածքում իրավիճակի սրմանը։
Իսրայելը և Հորդանանը, որոնք սահմանակից են Սիրիային, շեշտել են, որ ցանկանում են համատեղ աշխատել անվտանգության ընդհանուր խնդիրների լուծման համար:
Հորդանանը գլխավոր միջնորդն է Իսրայելի և սիրիական խմբավորումների, այդ թվում՝ «Հայաթ Թահրիր ալ-Շամ»-ի միջև:
Հետևեք մեզ նաև Տելեգրամում։
