Իսրայելը հարվածել է Գազայում ՀԱՄԱՍ-ի թիրախներին՝ ի պատասխան պայթուցիկ փուչիկների
Գիշերը իսրայելական կործանիչները հարվածել են Գազայի հատվածում պաղեստինյան ՀԱՄԱՍ արմատական շարժման զենքի արտադրամասին և ռազմական ճամբարին՝ ի պատասխան վառելիքներով և պայթուցիկներով փուչիկների արձակմանը: Այս մասին հայտնում է բանակի մամուլի ծառայությունը:
«Հարվածները եղել են ի պատասխան Իսրայելի տարածք ՀԱՄԱՍ-ի կողմից պայթուցիկ փուչիկների արձակման, ինչը օրինակ է, թե ինչպես է ՀԱՄԱՍ-ը շարունակում ահաբեկչական մարտավարությունը խաղաղ բնակիչների նկատմամբ», – ասվում է հայտարարության մեջ:
Իսրայելի պետական Kan ռադիոկայանի փոխանցմամբ՝ սեպտեմբերի 6-ին հրկիզման արդյունքում մի քանի հրդեհ էր բռնկվել հատվածի սահմանամերձ գյուղատնտեսական տարածքներում:
