Թալիբները՝ Կենտրոնական Ասիայի երկրների սահմանները խախտելու վերաբերյալ
«Թալիբան» շարժման քաղաքական գրասենյակի պատվիրակությունը Աֆղանստանում Ռուսաստանի նախագահի հատուկ բանագնաց Զամիր Քաբուլովի հետ խորհրդակցությունների ընթացքում հավաստիացրել է, որ թալիբները չեն խախտի Կենտրոնական Ասիայի պետությունների սահմանները: Այս մասին ասվում է Ռուսաստանի արտգործնախարարության հաղորդագրության մեջ:
«Թալիբանից հավաստիացումներ են ստացվել խմբավորման կողմից Կենտրոնական Ասիայի պետությունների սահմանները չխախտելու, ինչպես նաև Աֆղանստանի տարածքում օտարերկրյա պետությունների դիվանագիտական և հյուպատոսական առաքելությունների անվտանգության երաշխիքների վերաբերյալ», նշում է արտգործնախարարությունը:
«Շեշտվել է Աֆղանստանում «Իսլամական պետության» սպառնալիքի դեմ պայքարելու և քաղաքացիական պատերազմի ավարտից հետո երկրում թմրանյութերի արտադրությունն արմատախիլ անելու վճռականության մասին», հավելել է Ռուսաստանի արտգործնախարարությունը:
