Ղրիմի վերաբերյալ Թուրքիայի նախագահ Ռեջեփ Թայիփ Էրդողանի հայտարարությունը պայմանավորված է միջնադարյան ժամանակների կարոտով և հանդիսանում է Ռուսաստանի տարածքային ամբողջականության դեմ ուղղված հարձակման փորձ: Այս մասին սեպտեմբերի 22-ին հայտարարել է Սևաստոպոլից սենատոր Եկատերինա Ալթաբաևան:
«Մենք հասկանում ենք Թուրքիայի շահերը Ղրիմի թերակղզու հետ կապված: ․․․ Բայց Ղրիմի բնակիչների, այդ թվում՝ Ղրիմի թաթարների որոշումը, անկասկած, վերջնական է», – ասել է նա ՌԻԱ գործակալությանը:
Ավելի վաղ Թուրքիայի ղեկավարը խոսել էր Ուկրաինայի տարածքային ամբողջականության պահպանման անհրաժեշտության մասին: Նա հայտարարել էր, որ Թուրքիան չի ճանաչում Ղրիմի «բռնակցումը»:
